دليل CNC Studio

البداية

CNC Studio يحوّل تصميمك إلى ملفات جاهزة لمكينة CNC ثلاثية المحاور، بدون برنامج CAM.

1. سجّل حساب (تاخذ نقاط ترحيبية).
2. من «مشاريعي» اضغط «مشروع جديد» وارفع ملفك أو اكتب نص.
3. اضبط الشكل والمقاس واللوح والريشة — المعاينة الثلاثية الأبعاد تتغير معك فوراً.
4. اضغط «ولّد ملفات المكينة»: الموقع يحاكي القص ويقول لك إذا الملف آمن، وتحمّل ZIP فيه كل الملفات.

رفع الملفات

SVG · PDF · DXF

رسومات خطية بالمقاسات الحقيقية. الموقع يقفل المسارات المفتوحة ويتجاهل الصغيرة جداً ويقول لك وش صلّح.

STL

موديل ثري دي. يُقص من فوق، والموقع يقسمه على ألواح إذا كان أسمك من اللوح.

كتابة

اكتب نص عربي أو إنجليزي ويصير تصميم كامل، أو أضفه فوق أو تحت تصميمك.

أنواع التشكيل

بارز

الرسم طالع فوق قاعدة، والحواف مدورة أو مشطوفة أو حادة.

محفور

الرسم نازل في الخشب بالعمق اللي تحدده.

استنسل

الرسم يتفرّغ من لوح ويبقى اللوح نفسه.

قطع منفصلة

كل حرف أو شكل يطلع قطعة لحاله بدون قاعدة. الموقع يقول لك إذا قطعتين بتلتصق لأن المسافة بينها أضيق من الريشة.

المقاس

العرض والطول مربوطين بنسبة الرسم. افتح القفل وتقدر تكتب كل واحد لحاله (الرسم يتمدد).

القاعدة واللوح والنسخ

القاعدة: شكلها (تتبع الرسم، مستطيل، دائرة…) والهامش حول الرسم وحوافها.

اللوح: سماكة القطعة النهائية ومقاس لوح الخشب (الافتراضي 1220 × 2440). المعاينة تعرض اللوح كامل وتصميمك في زاويته — نفس مكانه على المكينة.

النسخ: كم نسخة أفقي ورأسي والمسافة بينها، و«املأ اللوح بالنسخ» يحسب أكثر عدد يسعه اللوح.

تصميم أكبر من اللوح: إذا التصميم أطول أو أعرض من اللوح، الموقع يقسمه على قطع تدخل كل وحدة في لوح، ويختار أماكن القص بعيد عن التفاصيل الرفيعة. القطع تتركب بوصلات ديفتيل (أو مستقيمة لو تبي)، وكل وصلة تنقص بمسار خاص دقيق مع خلوص صغير للغراء. كل قطعة لها ملفاتها وصفرها في زاوية لوحها.

المكينة

قطر الريشة

ريشة التنعيم. الموقع يقيس وش ما توصله من الرسم وينبهك.

طول القص

أطول عمق تقدر الريشة تقصه. لو أقل من سماكة اللوح يطلع تنبيه.

رأس الريشة

مسطح أو كروي (الكروي أنعم على الأسطح المايلة).

المسافة بين الخطوط

كل ما صغرت صار السطح أنعم والوقت أطول.

السرعات

سرعة القص والنزول ودوران المحرك — أو خلّها تلقائية حسب الخامة.

الجسور

قطع صغيرة تمسك القطعة في اللوح لين يخلص القص.

طريقة التصنيع

كلها اختيارية من قسم «الطريقة»، والوكيل يقدر يشغّلها لك.

ريشة قص مختلفة

ريشة للقص النهائي غير ريشة التنعيم.

القص على نزلات

بدل نزلة وحدة بكامل العمق.

سرعات حسب الخامة

MDF أو أبلكاش أو خشب لين أو قاسي — كل ريشة تاخذ سرعتها.

تخشين تلقائي

يشغّل ريشة كبيرة قبل التنعيم إذا العمق أكبر من تحمّل الريشة.

تفريغ الأسطح المسطحة

شغّال افتراضياً: الأرضيات المسطحة تتفرّغ بخطوة عريضة، والوجه اللي ما ينحفر ما تمر عليه الريشة، والتنعيم بس على الشكل. لو عندك ريشة مسطحة أكبر حطها في «ريشة التفريغ» وتختصر الوقت أكثر.

تفريغ حقيقي

للأعماق الثابتة بحواف حادة: أسرع وأنظف من التنعيم.

ثقّب الدوائر

الدوائر بمقاس ريشة الثقب تنثقب بدل ما تنقص.

حفر بريشة V

زوايا حادة والعمق يتبع عرض الخط، والأجزاء العريضة تنظفها ريشة مسطحة.

الألواح

سماكات مختلفة، خطوط قص ذكية، ثقوب تطابق، وتعويض الغراء.

الحفر من الوجهين

للموديلات اللي فيها أجزاء مخفية: الوجه A، تقلب اللوح على المسامير، ثم الوجه B.

الوكيل الذكي

اكتب طلبك في شريط الوكيل بأي لغة (مثلاً: «درع بارز 20 سم، 5 نسخ، ريشة 6») والوكيل يضبط الإعدادات ويوريك وش غيّر بالضبط.

افحص إعداداتي: الوكيل يراجع اللي اخترته أنت ويقترح — ما يتغير شي إلا إذا ضغطت «طبّق».

النقاط والاشتراكات

كل ملف ينخصم بالنقاط حسب وقت التشغيل، وتشوف السعر قبل التحميل.

الاشتراكات

خطط شهرية أو سنوية تنزّل نقاط كل شهر. السنوي بخصم، وكل ما كبرت الخطة رخصت النقطة. النقاط الزايدة تبقى لك.

شحن النقاط

باقات مرة وحدة، والباقات الكبيرة فيها نقاط هدية.

أكواد الخصم

تكتبها في نافذة الشراء: خصم نسبة أو مبلغ ثابت أو نقاط هدية، وبعضها للاشتراكات فقط أو للشحن فقط.

الدفع

1. بطاقة: يتأكد فوراً.
2. حوالة بنكية: حوّل المبلغ، اكتب رقم الحوالة واضغط «أكد الطلب». تنضاف النقاط (أو يتفعّل الاشتراك) بعد التأكيد، ويوصلك إشعار.

تشغيل الملفات على المكينة

1. الصفر: X0 Y0 في زاوية اللوح (الزاوية السفلية)، و Z0 على وجه اللوح.
2. شغّل الملفات بالترتيب حسب رقمها: 0 ثم 1 ثم 2… (تخشين، حفر، ثقوب، قص).
3. بدّل الريشة إذا الملف التالي يحتاج ريشة غيرها — اسم الريشة مكتوب في README داخل الـ ZIP.
4. في الحفر من الوجهين: شغّل ملفات الوجه A، اقلب اللوح على المحور الأفقي فوق مسامير التطابق، ثم ملفات الوجه B.
5. بعد القص اقطع الجسور ونعّم مكانها.

ربط Claude (MCP)

MCP بروتوكول مفتوح يخلّي Claude (أو أي مساعد يدعمه) يستخدم CNC Studio كأداة: يرفع التصميم، يعاين، يعدّل الإعدادات، ويولّد ملفات المكينة — بحسابك ونقاطك ونفس فحص الأمان.

1. من «مشاريعي» اضغط «ربط Claude» وأنشئ مفتاح API (يظهر مرة وحدة — انسخه).
2. انسخ أمر Claude Code أو إعداد Claude Desktop من نفس النافذة والصقه.
3. اطلب بكلامك: «سوّ لي لوحة اسم محمد محفورة 30 سم على MDF 18 وطلّع ملفات المكينة».

account

رصيدك واشتراكك وطريقة تسعير الملفات.

settings_reference

كل الإعدادات بأسمائها وحدودها وقيمها الافتراضية.

upload_design

يرفع SVG أو PDF أو DXF، أو موديل STL / OBJ / 3MF، أو صورة PNG / JPG يتتبّعها.

text_design

تصميم من نص عربي أو إنجليزي.

preview

مجاني: يبني القطعة ويرجع الفحص وصورة للقطعة يشوفها Claude.

generate_gcode

يولّد الملفات ويحاكي القص وينخصم من نقاطك، ويرجع روابط التحميل.

save_project · list_projects · get_project

يحفظ المشروع ويفتحه — يظهر لك في «مشاريعي» والاستوديو.

أسئلة شائعة

ليش يطلع «راجع قبل القص»؟

غالباً طول القص في الريشة أقل من سماكة اللوح، أو فيه حفر زائد في المحاكاة. اقرا الملاحظة تحت الحكم.

ليش أجزاء من موديل الثري دي تطلع مصمتة؟

الريشة تنزل من فوق بس. شغّل «خطوط قص ذكية» أو «الحفر من الوجهين» والتقرير يقول لك كم تحسّن.

وين أشوف الإشعارات؟

الجرس أعلى صفحة المشاريع والاستوديو: تأكيد الدفع، تفعيل الاشتراك، نقاط الشهر، وانتهاء الاشتراك.

أقدر أغيّر اللغة والوضع الداكن؟

نعم، من أعلى أي صفحة: العربية، English، বাংলা، हिन्दी، والزر جنبها للوضع الداكن والفاتح.